Down Stay on Mat

趁今日下晝得閒又有少少精神，繼續拍埋個簡單起手可以做既練習。 個練習 Part II 係做 down stay on mat，即係趴係張墊上面唔離開。用途都廣泛，配合之前 Mat Targeting 的練習，其實可以做到叫佢返去張墊到自己等或係果到玩或食。呢次個 stay 係唔會用任何指令，張墊就係個 stay cue。 至於點解會揀 down stay... 因為終極個duration 會有少少長，所以盡量教佢 down 唔會傷腰。 最好做左上次果個 mat targeting 先，因為會令佢對果個角落同墊有好聯想，會方便D。 Link: https://www.facebook.com/BambilandHK/videos/1568061913286381/ 一般呢樣野配合上次個練習都會用於： 🍻 分離焦慮起始練習 🍻 太痴身想佢學識自己一個 🍻 其他行為問題如按門鐘超興奮或撲人或吠之類 條片一開始其實係教佢係乜情況下都唔好離開張墊就會有獎勵，慢慢佢會愛上留係張墊上面自己玩 Kong or SnuffleMats 之類既野，亦可以慢慢將痴身既情況改善。 做法大約係咁，一組大約做5次，如果100％ 成功就去下一步，如果間中失手就做到100％，如果少過50％ 就去返上一step 做多5次。 得獎條件係佢留係墊上面唔郁，如果走左重新來過。 ＝＝＝基本 DISTRACTION＝＝＝ 1. 拎野食係佢面前1秒﹑3秒 2. 係佢一邊身來回行1步﹑2步﹑3步 3. 做另一邊身 4. 圍住佢行一圈，再做另一邊 ＝＝＝距離＝＝＝ 5. 來回行開1步﹑2步﹑3步… 直至可以去到一個你需要既距離，可能係坐到係梳化之類 ＝＝＝時間＝＝＝ 6. 係 5 做到最遠既距離等佢stay，每隔1－5秒隨機行過去比野佢食，一郁就重新來過 7. 每隔1－15秒隨機比野食 8. 每隔1－60秒隨機比野食 9. 每隔30秒到2分鐘隨機比野食 10. 每1－4分鐘隨機比野食 11. 慢慢拉長，直至可以stay 到30分鐘。 如果做到20分鐘以上，獎勵可以改用塞滿野食的 Kong 或 SnuffleMats 或骨之類可以玩好耐既野食。 ** 有需要可以自行加入唔同 distraction 如電視聲，講野聲，行出行入，拎野，執野等等，但最好係大約第10步先逐少加入。