護食

護食，係動物的本能行為。因為連自己食既都守唔住，好大機會就生存唔到，被大自然淘汰。護食行為一旦出現，犬隻就會係特定情境變得具攻擊性，部份狗狗會輕微少少，部份可以非常嚴重，所以不能忽視，亦唔建議主人自行處理。

護食中的狗會具攻擊性，因為佢地對於自己既食物緊張，想以武力驅趕接近既人或動物。一般唔進一步進迫狗狗都會選擇當無野。假如人或其他動物無視佢地發出既警告進迫，佢地就會真係動用武力。

護食可以分為：狗對人護食，或者狗對狗（或其他動物）護食。而且護食行為，好多時會附送埋護食物碗的，一個 package。

如果狗對人類有護食的話，最好盡快搵專業人士幫手處理，畢竟人類皮膚比較脆弱，對動物肢體語言警覺性亦較低，所以出事機會比較高。

如果狗對狗或其他動物有護食，而過程中兩者無大受傷或者有一方識得走避，其實可以唔洗太多介入，佢地會自行搵到大家都舒服既方式。不過，假如護食中有一方受大傷，就應該正視同馬上搵人幫手，同埋盡量有食物出現的情況分隔開兩者。

一般都唔建議以強硬方式進行處理，除非你有精良既保護同埋同佢鬥到兩個只能活一個既決心。

網上好多教學都會教你建立良好聯想，呢個係大方向，隻隻狗既做法都聽落一樣。但實際上點樣分拆個

步驟﹑點樣執行﹑去到咩位需要退，都的確係每一隻都好唔一樣，呢個亦係需要專業人士介入同講解既地方。

而成功與否或進度快慢，一來同狗狗的學習能力有關，二來就係主人投入的時間心機同埋操作上有無太急同失誤。